每個國家或地方都有不同的入境政策，最近就傳出台灣嘅入境部門有一份黑名單，而名單上面竟然有經常到訪台灣嘅日本AV女優，包括吉澤明步及有小林志玲之稱嘅波多野結衣，究竟點解會咁呢？
每次有日本AV女優到訪香港，都必定引起全城哄動，吸引傳媒爭相追訪。女優們亦行程緊密，出席宣傳活動、攝影會以及接受傳媒訪問等，可謂忙到不可開交。而AV女優到訪台灣時，情況亦大致相同，甚至更加忙碌，因為佢哋每日要踩幾場攝影會，真係少啲體力都頂唔順。早前，有消息指出台灣入境當局有份黑名單，上面列出多位經常到訪台灣嘅AV女優，包括吉澤明步、波多野結衣、大槻響、知花梅莎、藤嶋唯以及羽田愛等，有傳原因係賣淫，所以禁止入境。消息亦指上年11月羽田愛訪台時，當地一個應召網站就話請到羽田愛下海侍客，「親密相會」1小時索價70,000台幣，約18,000港元。
消息傳出之後，有好多網民都熱烈討論，有人就話千里來龍此處結穴，當然為咗搵多啲錢，加上有唔少女優本身喺日本兼職做風俗孃。亦有人話的確有AV女優去台灣賣淫，但未必係傳聞中嗰幾位女優，因為佢哋甚具名氣，有乜行差踏錯，好容易畀人發現。至於AV女優們又有咩回應呢？波多野結衣就表示自己行得正企得正，每次都有申請工作證過台灣，更重申自己冇賣淫。而大槻響就話自己怕會觸犯法例，絕對唔會賣淫，仲話好擔心日後唔能夠過台灣做宣傳工作。至於被傳赴台賣淫嘅羽田愛就表示傳聞太過分，令佢感到非常傷心。而台灣當局就否認將日本女優列為入境黑名單，不過收到女優到台嘅消息都會加以留意同觀察喎！
撰文：賢