師傅成日教我做人有風唔好使盡，不過又有所謂人旺冇幾何，一生人當中行運嘅日子唔係好多，梗係要趁當旺嘅時候去到盡，以求再闖高峰啦！所以近期紅到發紫嘅日本色情姐姐壇蜜工作又多，人氣又盛，講句說話都特別寸兼且有霸氣囉！
我國相學當中有句說話叫相由心生，我信到十足十o架！因為小弟我個樣又薯又懵，個人就係忠直兼傻戇。另一方面，好多藝人都可以印證呢句名言，因為藝人愈紅心情就愈好，個樣亦愈嚟愈靚，大家睇吓日本藝能界豪放女壇蜜就知啦！今年33歲嘅壇蜜有色情姐姐嘅稱呼，佢一頭長長嘅黑髮配上瓜子口面，夠淫嘅妖媚眼神，加上兩片厚厚嘅朱唇，令佢散發出成熟又妖艷嘅氣質，姐姐之名因此而來。由於壇蜜氣質出眾又具標誌性，所以自從紅咗之後，好多同佢生得咁上下樣嘅女優都被稱為「壇蜜系」。壇蜜同前幾年紅極一時嘅星野亞希一樣，年過三十至走紅，兩人嘅共通點同樣擁有極品身材。雖然壇蜜就冇亞希上圍嘅F-Cup咁勁，但係姐姐嘅堅挺E奶，加上豐滿、圓潤又夠翹嘅白玉美臀同樣吸引。不過，壇蜜早前就話前男友嫌佢屁股大而提出分手，咩人嚟？咁唔識貨都有！
壇蜜喺2009年參加電子遊戲《人中之龍4》嘅一次選美活動當中脫穎而出，之後2010年參加由雜誌《周刊SPA！》舉辦嘅選美活動「美女演員發掘項目」而獲獎，壇蜜表示過當時無心進軍藝能界，但係喺藝能事務所極力邀請之下，終於答應做寫真女郎。壇蜜嘅演出作風大膽非常，絕對唔介意做出任何淫穢及不雅動作，全裸露出玩自摸都一樣冇問題，言談亦相當大膽，更加公開表示過係雙性戀。由於壇蜜演出風格突出，令佢愈來愈多工作，人氣亦愈來愈強。除咗拍寫真同寫真DVD，電視節目都演出唔少，今年仲威！人氣大熱嘅《半澤直樹》當中，壇蜜就有份演出藤澤未樹一角，扮演劇中西大阪鋼鐵社長嘅情婦，搞到主角半澤直樹一頭煙。壇蜜今年仲推出過教授獵男技巧嘅戀愛工具書《情色指南》。最近更推出散文寫真集《不知恥》，由姐姐佢親筆剖白出道以來嘅心路歷程再配上53張火辣寫真。壇蜜誇下海口表示如果呢部作品銷量唔好的話，佢就唔係將個名掉轉寫，而係會做出版社編輯嘅墊腳櫈喎！
壇蜜人氣與日俱增，工作範圍廣闊，如果大家想知道佢最近又忙於甚麼演出，咁就一定要緊貼佢個博客喇。
網址：http://ameblo.jp/sizuka-ryu/
年齡：33歲
身高：5呎3吋
三圍：33E-24-35
撰文：賢