澳吧吧：必捧玩樂新蒲點

唔少巴打同絲打都話澳門唔少酒吧都係以招呼外國人為主，唔係話氣氛唔好，只係冇嗰份親切感。最近澳門新開一間名「Baby Club」嘅酒吧，當中嘅氣氛畀到大家親切感之餘，仲定期搞主題派對兼大派禮物。佔地兩層嘅酒吧每層超過三千呎，而為咗提供更大嘅活動空間，枱與枱之間嘅空間感十足，同時又提供極大嘅舞動空間，等大家可以隨住駐場DJ激烈嘅節拍起動。如果想享有私人空間嘅話，二樓仲有獨立卡拉OK房，等大家可以喺房內共聚。當然，如果想搞大型派對嘅話，呢度絕對可以滿足你嘅要求。