美國著名脫衣舞娘Dita Von Teese，最近上名嘴Bethenny Frankel嘅清談節目，同主持大談性經之餘，仲即時教授「香檳杯艷舞」嘅絕技。今年41歲嘅Dita，以「香檳杯艷舞」成名，演出數以千次，不知迷倒了多少粉絲，而Bethenny出晒名得勢不饒人，竟願意跳上巨型酒杯上面，跟住Dita跳艷舞。而內地網友話Dita當日做嘉賓，所以穿着密實嘅黑色衫褲，但Bethenny睇嚟早有準備，即時換上低胸貼身舞衣，好似早就預咗要同Dita比併身材，經過幾個動作，Dita獲得一致讚賞，但Bethenny只換嚟一連串嘅笑聲，明顯Dita技勝一籌，就算淋草莓汁入乳溝時，Dita亦能保持性感，相反名嘴一臉痛苦同無奈，舞技即時高下立見，但有網友幫口，話Bethenny只係為咗節目效果！孰真孰假，只有當事人至知喇！