由美國DC漫畫公司所創造嘅女英雄神奇女俠，以玲瓏浮凸身材成為最受歡迎嘅超級英雄之一，更被評為100個頂尖漫畫英雄中排行第５位，足見佢人氣高企。而呢位一身古銅膚色兼擁有西方人輪廓嘅女英雄，落喺日本人氣插畫師山下手中，會變成點呢？答案係充滿和風味道！呢個神奇女俠模型瀛味十足，肌膚白雪雪，仲穿着短裙仔同披肩，令人耳目一新。此外，大露事業線同狂騷美腿，尤其係嗰對激凸雙子峰，極具視覺效果，絕對吸引！
全高：約245mm
售價：￥7,140（約HK$571）
發售日期：暫定2014年4月
撰文：魂
日本人氣輕小說《我的朋友很少》不但先後被動畫化，更被拍成真人電影，而佢嘅第2季作品《我的朋友很少NEXT》，亦喺今年初推出，反應理想。既然人氣咁高，相關模型梗係要食住個勢推出，而今次亮相嘅就係呢位以魔女造型登場嘅三日月夜空。雖然話係魔女，但夜空嘅扮相可愛又性感，心口開窿嘅設計，展露出大半球，養眼度十足，加上高衩短裙同吊帶襪，極之誘人。從後面睇，可以見到渾圓白滑美股，真係愈睇愈正呀！
全高：約235mm
售價：￥8,925（約HK$714）
日期：現已發售