好多人都話鹹片最重要係女演員嘅身材、樣貌同床上功夫，劇情根本唔係重點。小弟我未敢苟同，因為女演員同劇情並非處於對立面，出色嘅鹹片可以有劇情而情慾場面又夠刺激；亦可以冇乜劇情，但係由連場精彩情慾戲搭夠，《歷劫俏佳人》正係當中嘅好例子。
《歷》片故事講述愛麗森同愛美莉兩個少女都出身於富裕之家，正所謂食飽無憂米，應該可以過得幸福自在。之不過，二人嘅父母俱早年離異，而同住嘅家長又掛住日做夜做，冇時間同佢哋溝通。因此，兩女都覺得自己冇乜存在感，性格開始反叛，加上喺學校又群埋班搞事青年，特別係經愛麗森嘅男友杜比帶領之下，二人生活愈來愈放縱，除咗無心向學，仲日蒲夜蒲、縱情酒色，不知幾咁糜爛。杜比喺學校成日都扮晒大佬，某次就帶住愛麗森去到市區嘅貧民區，仲因事同該區嘅黑幫頭目克特發生爭執。克特一亮出手槍，就嚇到一向作威作福嘅杜比面都青埋，愛麗森見到梗係覺得杜比冇用啦，仲開始對克特傾心添！
愛麗森飛咗杜比之後，就同愛美莉再闖貧民區，仲特登去拜會克特，更表示想加入佢嘅團體，體驗一下黑幫生活。之但係，二女就好似兩隻可以被任意玩弄嘅小羔羊一樣，克特同佢班兄弟開出條件，就係要佢哋兩個其中一人擲骰仔，以決定同幾多名兄弟玩多P，夠膽咁做至可以過關，接受為成員。最後，愛美莉被選中，而佢仲要同多名男人交歡。事後，二人終於明白到自己係被視為玩物，世界係如此黑暗，於是抱頭痛哭，喊住返屋企。
故事條橋係就係老土，不過，情慾場面的確可以救番部戲，最大原因係飾演愛麗森嘅女演員，正係索到啪啪聲，曾經主演《走佬俏公主》嘅安妮希芙威！安妮佢演出嘅幾段床戲相當激，除咗大露豐滿酥胸，觀眾可以欣賞其雙乳起伏蕩漾之外，安妮仲玩埋吹奏同自摸，雖然唔係真係影住佢施展口技，但係鏡頭加上意識都已經令大家感受深刻。喂！知名荷里活女星嚟喎，值回票價啦！
撰文：賢