雖然唔係個個女仔都可以係王室嘅公主，但喺父母心中一定係可愛又得寵嘅小公主。就算長大之後，亦係唔少男仔眼中嘅公主，皆因家陣有好多女仔都患上公主病！其中一個特點就係乜都要男友幫手做，原因可能係佢哋一向被人寵慣，亦可能係天生手腳笨拙，橘由里佳就係天生笨手笨腳嘅公主喇。
小弟識女仔嘅時候，望對方嘅第一眼，落點唔係其心口，亦唔係雙腳，更加唔係臀部，而係佢雙眼。眼神交流對於兩個人嘅感情溝通相當重要，就算個女仔幾好身材、五官幾標致都好，雙目無神，同你四目交投卻好似神遊太虛咁，肯定佢唔會真心同你交往，大家只係貌合神離，雖然我的確比較注重於肉體交流，但大家都要有番咁上下感情基礎，至可以令「交流」嘅時候更暢快更過癮嘛。是以，橘由里佳一定適合小弟，當然其外在美，相信亦啱大家脾胃啦。由里佳擁有一副美人胚子，氣質秀麗美艷，我最鍾意就係佢一對亮麗明眸，黑白分明，眼神炯炯，一望就可以將大家嘅注意力甚至係魂魄深深攝住。身材屬纖巧型嘅由里佳青春可愛，加上肉地鮮嫩，吸引力唔比其他豐滿型嘅巨乳女優為低。
2006年，由里佳參加選美活動「avex audition 2006」從而踏足藝能界。兩年之後，由里佳再參加另一個選美活動「尋找比堅尼公主」，憑其美貌以及苗條胴體而成為其中一個候選人。雖然最後阿妹未能成功奪冠，但係就幫助佢增加人氣，並且獲邀請成為女子偶像組合「idling！」其中一員，仲有機會參與電視台綜藝節目演出，而電影《年年歲歲》、《蒙面超人Foza THE MOVIE 大家的宇宙》亦有阿妹參演嘅份兒。除咗電視同電影以及寫真，由里佳仲不時會出席Cosplay活動，原因阿妹係一個知名動漫迷，除咗鍾意迪迪尼嘅所有作品之外，據聞佢對日本迪迪尼樂園瞭如指掌，唔使睇地圖都可以帶親友入去四圍玩。另一方面，由里佳對日本動漫都好熱情，例如佢曾經扮演涼宮春日，於舞台上聞歌起舞，亦多次扮演過《鋼之鍊金術師》嘅男主角愛德華艾力克參加Cosplay活動。不過，阿妹扮其他角色就叻，但係做番自己就相當失敗。阿妹曾經自爆讀到高中都唔識紮馬尾辮，成日需要同學或校工幫手。咁都未算失敗，阿妹玩電腦嘅時候，經常都控制唔到滑鼠準確地點擊目標，依家三歲細路哥玩電腦都玩到出神入化啦！由里佳你有冇咁蠢呀！
近期橘由里佳跟隨偶像組合「idling！」四圍登台表演，順道遊覽名勝，想知道阿妹又去咗邊度演出，就要Click上佢個博客喇。
網址：http://ameblo.jp/yurika-tachibana/
年齡：20歲
身高：5呎4吋
三圍：31-23-32
撰文：賢