模影模蹤:秦瑞穗 電波索主持

唔知大家仲記唔記得,15年前三色台曾播過日本電視台一個節目,叫做《電波少年》,講一個香港男仔同日本男仔一齊去到陌生嘅國度進行歷奇之旅。後來,又有隊巨乳美少女組合叫做電波少女,之不過佢哋係就係好波,但電波方面就冇乜,好似日本水着妹秦瑞穗,先至係真正嘅電波美少女。

薄身巨乳

由於工作關係,小弟成日都要上網巡邏一下各個討論區嘅夜遊專頁,拜讀一下各界師兄嘅事後「包膠」。咁多包膠當中,得知絕大部分師兄落到場都想搵靚女、後生,仲要走肥、好波嘅囡囡,但最終好多都係「中伏」而回,鮮有人得償所願。唔好怪我黑心又攞景,有腦嘅都諗到,有齊咁優秀嘅條件就唔使淪落夜場啦!就算係有,一分錢一分貨,條數邊度係尋常師兄付得起呢!再者,呢種超晒班嘅女仔真係冇幾多個,好似秦瑞穗咁就算喺日本水着界都冇幾多女優可以拍得住。23歲嘅秦瑞穗青春可人,俏麗得嚟有少少病態美,楚楚可憐咁款,係男人都想將佢一擁入懷,對佢百般呵護同疼錫一番。秦瑞穗除咗咁惹人憐愛,身材更加係廣大男人多年期待,因為阿妹呢副偈實在太驕人!身高5呎4吋,三圍33D-22-33,胴體纖薄骨架幼,皮膚幼嫩而白滑,最重要係上圍嘅D奶脹卜卜,簡直係冇得頂!

用心鍛煉

秦瑞穗喺2005年參加藝能事務所Yellow Cab舉辦嘅美少女選拔活動獲得冠軍,繼而獲事務所簽為模特兒,而當時阿妹仲係讀緊日本藝術高等學園。約一年之後,阿妹從學校畢業,正正式式踏入人生另一個階段,做一個全職模特兒同水着妹。秦瑞穗嘅星運其實都幾平順,因為佢出道以來演出過唔少電視劇同綜藝節目,特撮戰隊片集《轟轟戰隊》同《侍戰隊》都演過。不過,據講當時阿妹仲係年輕,演技未成熟加上口齒唔夠好,所以都係做花瓶為主。正所謂知恥近乎勇,阿妹及後經用心鍛煉之後,成果非常顯著,家陣已經成為一個稱職嘅主持人,好似最近佢就成為介紹家電嘅電視節目《家電's Walker》以及報道波子機最新情報嘅節目《Pachi動!》嘅其中一位女主持喇!名副其實係電波美少女。

個人博客

福島核電廠係咁漏污水,不過秦瑞穗一啲都未驚過,最近就走咗去福島玩一轉,大家想知道阿妹有咩福島大發現,不妨上去佢個博客睇睇。

網址:http://ameblo.jp/mizuho-hata/

Profile

年齡:23歲

身高:5呎4吋

三圍:33D-22-33

撰文:賢