農曆七月傳說係鬼門關開放嘅日子，而西曆10月亦係西方文化當中有妖魔鬼怪橫行嘅月份，同樣相傳有唔少靈異事件發生，時運低者最好就係避免出夜街喇。不過，對於巨乳水着妹疋田紗也嚟講，佢自稱對靈異事件感應力強，故此一年到晚都易受影響。
後生女青春活潑，多數都係坐唔定，成日都四圍走搞搞震，做埋啲古靈精怪事情，好似疋田紗也呢位咁精靈可愛嘅水着妹都係一樣，不過佢除咗演出方面夠調皮之外，亦對好多鬼鬼怪怪事有興趣，家陣就先介紹一下紗也嘅外在美先。24歲嘅紗也出道拍寫真已經有九年，然而其萌味十足嘅青春美少女面孔依然冇變，仲比初出道嘅時候更嬌美，實在係人見人愛，車見車載。身高5呎嘅紗也睇落細細粒，三圍34-23-34，尺寸標準，似乎冇乜突出之處，之不過阿妹胸前嘅34F美巨乳脹卜卜又夠分量，手臂輕輕一夾就已經做出一條深深嘅乳溝，加上阿妹本身皮膚細嫩幼滑，令其胴體產生出無比吸引力！
紗也因參加日本雜誌G-Girl舉辦嘅選美比賽「G-Girl Grand Prix 2004」而備受注目，就憑住可愛笑容以及火辣身材成功殺入淘汰賽，再過五關斬六將從決賽當中奪得冠軍寶座。之後，阿妹從事模特兒、水着女優，亦參與過好多電視劇以及電影演出，期間仲出過唱片《一定不會忘記》。大家唔好睇紗也咁開朗活潑，個人一定好正常喎。紗也曾經多次表示自己對神佛同靈界有感應，更加有預知能力，仲話四川大地震、日本宮城縣地震佢都喺事前感應得到。另外，有一次佢應Internet TV邀請去到做一個以鬼怪為主題嘅節目，期間紗也就話四圍都有「嗰味嘢」，搞到佢身體不適，要拎在場工作人員嘅念珠嚟定驚。然而，唔少電視台都睇中阿妹有呢種所謂嘅感應力，近年成日請佢拍鬼片，亦搵佢拍怪談節目，好似9月佢就出席《淺草之夏怪談～鳥の章～第六夜 》喇。
疋田紗也成日都會將工作情況放到博客，畀粉絲們知道，想留意最近紗也拍緊咩節目，又或者去邊度做戶外演出，就要長期Click上佢個博客喇。
網址：http://ameblo.jp/saya-world/
年齡：24歲
身高：5呎
三圍：34F-23-34
撰文：賢