依家有好多調查報告愈嚟愈唔可信，點解？因為負責調查嘅單位，本身就係既得利益者，所謂嘅報告，無非係想增加銷售額搵錢啫！話說網站Adam & Eve早前做咗一個調查，報稱搵咗1,000位成年男女，受訪者年齡由18至50歲，而介乎21至39歲佔大多數，訪問佢哋做愛時有冇使用潤滑油嘅習慣，結果當中有43%受訪者未曾使用，39%偶爾使用，17%經常使用，最後調查人員話，一支優質嘅潤滑油能夠提升男女雙方嘅敏感度，令交歡過程更加有快感，總結係叫人應該購買一支適合自己嘅潤滑油。坦白講，只係訪問咗1,000人已經冇公信力，再者Adam & Eve係一個大型情趣用品網站，咁大家明白呢個調查報告嘅目的係為乜啦！