好耐冇介紹韓國美女，今日介紹一位炙手可熱嘅韓國美女畀大家認識，名字叫做李妍允，今年22歲，出道一年多，數月前憑其俏麗外表同完美身材勇奪比堅尼大賽冠軍，更被內地網友封為長腿天后，實力不容忽視。
李妍允出道時係做車模，由於樣子秀麗，身材出眾，所以喺韓國早就街知巷聞，被喻為今年十大新進模特兒之一，但佢冇被急升嘅名氣綑綁自己，反而豁出去參加當地嘅選美比賽，希望透過比賽，增加舞台經驗，同埋考驗一下自己嘅實力。今次嘅選美係由首爾著名嘅水上樂園舉辦，所有參賽囡囡都要以性感比堅尼示人，妍允出晒名好身材，所以比堅尼對佢嚟講，可以話駕輕就熟。講番妍允嘅身材，上圍有35吋，級數估計達G級，單靠心口兩塊小布，真係好難完全包裹得晒，東西半球難免經常外露。
亦因為妍允取得比堅尼大賽冠軍，所以內地嘅網友亦開始認識佢。最令人注目嘅當然係妍允心口一對大包，其次就係一雙修長美腿。咪以為妍允好高，原來只有168cm，但由於身材比例恰當，加上上身超薄，顯得雙腿更為修長，內地不少網友封佢為美腿天后。睇嚟妍允除咗喺韓國發展外，不妨考慮埋大中華區，相信一定會有唔錯嘅發展。當然，短期內希望佢多拍一啲性感寫真，人氣自然急升，再嚟掘金，一定會事半功倍！
簡介：李妍允出道冇耐，所以拍攝嘅照片唔算太多，而且放喺中文網站嘅就更少，而呢個網頁就收藏咗妍允嘅多張寫真，值得大家捧場。
網址：http://tieba.baidu.com/p/2600790805
出生地：韓國
三圍：35-26-36
身高：168cm
撰文：龍四海