內地美女模特兒多如繁星，美女演員亦不相上下，至於美女主持為數亦有不少，但能夠貫穿三方面發展，人數就真係唔多，而嚟自山東淄博嘅趙芸萱，就係少數中嘅一個，證明佢努力與天分兼備。
自小就喜歡舞蹈嘅趙芸萱，好多舞步都無師自通，所以舞蹈天分得天獨厚，同時佢仲彈得一手好鋼琴，小小年紀就已經多才多藝，但佢選大學時，就冇考音樂或者舞蹈學院，反而考咗入中國傳媒大學，主修一個很特別嘅演藝範疇，就係播音主持，唔通佢想做播音員？原來唔係，芸萱覺得自己口才同溝通技巧欠佳，如果將來真係要喺影視圈發展，兩者都非常重要，所以花咗四年時間，苦練口才。經過芸萱嘅努力，未畢業已經成為炙手可熱嘅活動主持，據講收入仲好過做模特兒，畢業後更喺多個電視台同網站當過節目主持。
芸萱克服到自己嘅不足，冇理由甘願只做主持工作，於是同一時間踏足模特兒界及話劇界，翻查記錄顯示，芸萱先後演過四套舞台劇，令佢演出經驗大增，同時藉着做模特兒，學懂不同形象嘅演繹技巧，所以芸萱嘅寫真，可愛時天真活潑，性感時狂野奔放，愈睇佢嘅照片就愈令人愛不釋手，而且當攝影師要求性感時，佢可以真空上陣，所以佢嘅寫真噴血度極高。近年芸萱更有新突破，就係朝影視圈發展，有兩三部作品已經搵佢當主角，所以努力加上天分，就係娛樂圈成功嘅不二法門。
簡介：趙芸萱有佢自己嘅官方博客，但要逐輯相睇都幾麻煩，所以都係介紹呢個網站最好，喜歡邊輯就睇邊輯，而且相片質素不俗。
網址：www.moko.cc/yunxuan
出生地：山東淄博
三圍：33-25-33
身高：168cm
撰文：龍四海