模影模蹤：石原溫美完美海女

唇靚眼靚

日本好多活躍於水着界嘅美人兒都因為身材好又靚女，因而受到電視界同電影界賞識，被引薦參演影視作品，之不過能夠打響名堂嘅例子唔多，好似索到啪啪聲嘅森下千里都只係一個花瓶，鮮有好似綾瀨遙咁成功。然而，在遙妹之前，仲有一個水着妹勇闖藝能界獲得成功，佢就係石原溫美喇。今年27歲嘅溫美原名叫做栗田梨子，出道已經有十年時間。當時阿妹樣貌可愛，家陣個樣仲係咁青春，仲散發出一種罕見嘅知性美同溫柔感覺，好多男人夢想中嘅嬌妻就係呢種款喇。除咗靚女兼且擁有苗條又婀娜嘅好身材，溫美仲有美觀嘅朱唇以及迷人眼神，望一望都可以電暈男人。

最愛玩水

溫美憑住參加藝人選拔活動日本Telegenic 2003而得到加入藝能界嘅機會。之後參演嘅電影同電視劇都有唔少，包括《怪談新耳袋 第1夜》、《68FILMS 東京少女 第1話》等等，阿妹演技自然又逼真，氣質又清新，演出備受肯定。及後溫美一度引退返鄉下大阪打工，但係佢諗吓諗吓又唔捨得咁後生就放棄辛苦經營嘅演藝事業，於是再次勇闖東京打拚。最近，阿妹有份參演嘅新劇《多摩南署敲打刑警•近松丙吉 11 雨迷惑的死者》，佢就趁機會表示，自己最鍾意就係玩水上活動，好似潛水、衝浪、釣魚，仲話係為海而生，同時指出理想嘅對象係一名可以同自己一齊玩水嘅成熟男人喎。

個人博客

石原溫美活動多多，呢頭拍劇，嗰頭又去演舞台劇，想緊貼佢嘅工作狀況就要Click上佢個Blog喇。

網址：http://ameblo.jp/ishihara-atsumi/

石原溫美

年齡：27歲

身高：5呎4吋

三圍：33-23-34

撰文：賢