近年日本美少女組合AKB48紅到發紫，咁都唔出奇，呢班妹妹仔嫩口又俏麗可愛，把聲又甜美之極，又唱又跳的確迷死唔少宅男同麻甩佬。日本藝能界唔係得AKB48一隊美少女組合，仲有Super☆Girls（以下簡稱SG）！同前者一樣，SG都係喺一大堆美少女當中挑選出有潛質嘅女仔，然後畀機會佢哋演出，再由人氣決定佢哋到底有冇得留低。
不過，SG比AKB48好少少，因為製作人會安排SG作泳裝演出，最近又推出第二部寫真集《Super☆Girls 2nd Photo B》喇。寫真集當中會出現十個SG嘅主要成員，佢哋個個都係十零廿歲卜卜脆嘅美少女，仲齊齊換上色彩艷麗嘅比堅尼搔首弄姿，喺陽光底下玩遊戲，睇完之後即刻會畀佢哋嘅青春活力感染，成個人都雄風勃發！
售價：約HK$253
撰文：賢