家陣做商業推廣真係唔易，想引起人們嘅注意已經夠難，仲要吸引到佢哋產生埋嚟聽講嘅興趣，更係難上加難，故此就算出動到索爆兼性感嘅推廣人員都未夠，要學似呢班索女咁將平板電腦掛喺心口度等人試玩，先至有足夠嘅吸引力！呢班咁出位嘅索女其實係早排喺上海舉辦嘅電玩展「China Joy 2013」，某電玩商嘅推廣員。佢哋先將平板電腦掛喺心口度，然後邀在場男士試玩。只見男士喺佢哋激凸嘅胸前又督又捽部平板，試玩當中嘅遊戲。班女推廣員則睇住對方邊玩邊講解當中嘅細節。姑勿論試玩男士嘅心態係乜，只係講到手感一定會比就咁擺喺枱度玩更勝一籌囉！