世界各地嘅娛樂圈，都有好多明星係由童星做起，日本最出名嘅就梗係安達祐實啦，除咗佢之外亦有唔少，例如最近推出寫真集嘅鈴木愛理。愛理今年19歲，佢由8歲開始就出嚟唱歌，後來成為女子組合℃-ute嘅成員，唱歌跳舞瓣瓣通。阿妹佢一邊發展藝能事業一邊讀書，家陣已經讀到大學，並長得亭亭玉立。
愛理就趁大學放暑假，增加藝能界演出，首先就推出寫真集《不游泳的夏天》。於寫真集當中，愛理會去到湖畔嘅旅館、海濱等地方，換上泳裝展露其嬌小又鮮嫩嘅胴體，雖然未有火辣之感，但係全身散發出青春活力，令寫真集一樣咁吸引。
售價：約HK$157
撰文：賢