今年小弟嘅心情一直唔多好，皆因偶像H奶天后麻美由真患上卵巢癌而暴瘦，更要動手術將子宮切除。後來，麻美接受傳媒訪問嘅時候，仲表示癌細胞擴散到直腸，要接受化療醫治，搞到面色蒼白又甩頭髮，你話唔傷心就假啦！而早前更傳出麻美不敵癌魔病逝嘅消息，好彩呢個消息好快就畀人踢爆係假嘅，事關無論係傳媒定AV業界人士都表示，完全冇收到相關消息，連台灣一流AV評論家都表示早前問過麻美嘅經理人，都話麻美健康冇大礙，故更加證實消息屬流料。
撰文：賢
每年美國都有好多同色情有關嘅活動舉行，好似今期就有一個叫「The 2013 CineKink Festival」嘞，今年已經踏入10周年，為隆重其事，由今個月起作巡迴表演直到9月底，首站喺波特蘭舉行，接住去奧克蘭，再去奧斯汀，尾站會去到芝加哥。至於呢個活動有咩睇？據知有多個獨立組織及四仔片廠拍片參展，並開放畀觀眾入場欣賞及交流，另外，現場會有成人話劇及問答環節，當然最吸引嘅係免費入場，有冇興趣的話，快啲Click上網睇詳情。
網址：www.cinekink.com
撰文：祖
早前同大家講過，一間叫MiKandi嘅成人App公司為Google Glass搞咗個《Tits & Glass》專用App，由於含色情內容，結果被Google封殺，跟住MiKandi話都冇咁快就整咗個「潔淨版」出嚟。事隔唔夠兩星期，MiKandi已急不及待發新聞稿宣稱已成功製作咗第一部Google Glass四仔，主角係四仔男神James Deen及辣妹Andy San Dimas負責落場砌。MiKandi CEO Jesse Adams就話呢部四仔與別不同之處，除咗係採用大量主觀鏡頭拍攝外，亦加入大量喜劇元素，係一部輕鬆四仔喎！四仔暫時未出街，而Trailer就已上載YouTube，快啲去Click啦！
網址：www.youtube.com/watch?v=Xxt24JoLlPE
撰文：祖
日本AV界近年有巨乳尤物出道，同時絕頂美女亦有唔少，之不過，呢班靚女被批評人工味偏重，又或者只係得張封面相吸引，一睇碟就現真身，簡直判若兩人，唔似得橫山美雪呢類極品索得嚟又自然，令男人冧到暈！而最近就傳出美雪引退嘅消息，事緣早前美雪喺社交網上突然留言「引退」二字，但係就冇詳細解釋，其所屬AV廠MAXING亦冇進一步透露美雪嘅去向，因而惹起AV迷嘅猜測，有人話美雪可能同職業棒球手達比修有修成正果可以上岸，又有人話阿妹已經出道5年，引退好正常，亦有人話佢嘅作品銷量一向屬中上，冇理由咁快引退。至於引退消息係堅定流，就留待美雪作證實至知喇！
撰文：賢
要做好產品宣傳，最重要唔係口號改得好，亦唔係有大量科學數據支持產品嘅效用，而係有一個索到爆嘅代言人，日本人一向深明此理，AV界近年更加將之發揚光大。好似SOD咁，早前就利誘到原為宣傳部職員嘅櫻井彩以及淺野惠美，安排佢哋兼職拍攝AV同宣傳作品，另外亦招攬埋AV女優濱崎直緒做宣傳部職員，以美色利誘AV迷買碟以及客串做素人男優。近日，日本老牌AV廠Alice Japan亦有樣學樣，安排專屬女優川上奈奈美擔任宣傳部部長，負責公司作品以及女優嘅宣傳活動。雖然AJ廠係跟風，但係有青春活潑嘅奈奈美四出宣傳，相信有助廠方嘅作品銷量上升，挽回近年嘅業續頹勢。
撰文：賢