所謂酒逢知己千杯少，同朋友難得聚首一堂，梗係要講天講地，講完波經再講女人經，坐成晚都未必講得完。講到高興就當然要舉杯大叫一聲「乾杯」啦！所以就愈飲愈多，問題就出現喇！唔係酒量唔夠，而係發覺荷包不勝負荷，如果飲酒可以好似火鍋或者日式料理咁有放題，一個價錢可以任你飲，你話幾爽呢？香港部分酒廊近年唔少都會搞Wine Buffet，畀一個價錢就飲到你飽，而澳門嘅唐會亦有同類活動。
唐會佔地超過五千平方呎，分上下兩層，裝修中西交融而不失瑰麗豪華感覺，當中有六間主題套房用上不同美酒品牌設計，別具特色。唐會除咗提供各種美酒之外，店內亦特設雪茄區，收藏來自世界各地嘅名貴雪茄。最近每逢星期日至星期三，晚上九點至十一點半就會推出Wine Buffet，一人百二蚊就可以任飲紅酒同白酒，最適合酒量十足嘅朋友豪情暢飲！
店名：唐會
地址：新口岸皇朝區馬濟時總督大馬路425號大豐廣場地下M舖
營業時間：9:00pm~5:00am
撰文：賢