金屬產品製造工廠同性感辣妹之間有乜嘢關係？咪以為兩者之間冇關係，查實關係就密切喇！據呢間台灣嘅金屬製品廠解釋，由於佢哋所賣嘅產品都係冷冰冰，便出現想傳達溫情嘅意念，故此特意搵嚟衣着性感嘅美少女嚟影廣告硬照。只見呢位美少女又瞓又趴喺啲金屬片、欄杆、車床等地方做晒甫士嚟影相，既專業又性感，吸睛度絕對滿分。相信就算谷唔到生意額，單係宣傳都已經有着數，而有關方面見到咁受歡迎，仲連續出咗幾個美少女廣告系列。
撰文：魂
每逢有動漫展，唔少男士嘅焦點並非動漫，而係落喺一眾性感兼爆乳嘅Cosplayer身上，每次見到佢哋激凸身材，都會令人有種震撼嘅感覺，只係早前日本有製作室，卻踢爆呢班爆乳Cosplayer好多都係裝假狗！據佢哋解釋，由於唔少動漫女角對車頭燈都勁激凸，好難扮得神似，於是就利用發泡膠嚟裝「胸」作勢。佢哋先用發泡膠造型，然後喺上面鋪上黏土，經打磨後再喺上面包上一層肉色嘅彈力織物，Cosplayer只要將假胸裝喺心口度，再用衫及飾物遮住連接位，激凸爆乳就會展現眼前！
撰文：魂
手機時代不但讓大家愈嚟愈依賴手機，仲會影響埋性生活。美國公司Harris Interactive早前針對1,100名美國成年手機用戶進行調查，不但發現唔同行業嘅人使用手機嘅頻率愈嚟愈高，結果更顯示18到34歲嘅年輕人，有近兩成嘅人連做愛嘅時候，都因為要用手機而叫暫停。當中原因有好多，分別有需要回覆即時通訊軟件、回應微博留言、收發公司郵件等。不過曳曳途中要用手機都唔算過分，問題係調查發現有一成嘅受訪者會邊玩手機邊曳曳。咁唔專心嘅床上態度，難怪有一成二嘅人表示過度使用智慧型手機，影響到佢哋同另一半嘅關係啦！
撰文：魂
荷蘭最近興遊船河，有人會問遊船河有乜特別？但如果一邊遊船河，一邊欣賞內衣騷，係咪好有噱頭呢？話說有內衣公司為咗宣傳，搞咗場別開生面嘅遊船河內衣騷，反應非常之好，各地傳媒都爭相報道，由於有啲網站只有照片，沒有文字介紹，有人以為係當地嘅新玩意，不斷聯絡租船公司，呢啲公司見需求咁大，安排內衣騷成為指定活動。由於淪為色情表演，正規模特兒全都拒絕演出，船公司只好另覓合適人選，於是諗到向當地嘅妓女招手，但船隻會經過市中心地區，要佢哋招搖過市，唔少囡囡又過唔到心理嗰關，於是船公司大叫搵人難，搞到家陣有錢都冇得賺。
撰文：小德