出嚟社會工作多年，經歷過幾許風雨，成個人雖然成熟咗，但係就冇咗以前嘅童真，更覺冇咁容易開心歡笑。如果可以好似平田裕香咁，將近30歲都仲充滿童真，一定好似佢咁得人鍾意喇。
小弟識女仔一向都會揀個同自己年齡相若嘅，以免大家有代溝。不過，識咗幾個之後發覺代溝唔係問題，問題係佢哋成日都憂心這樣，憂心那樣，當然，最主要梗係憂心我副身家日日清，萬一喺埋一齊根本就養唔起頭家啦。其實，兩個人結為伴侶唔使諗咁多，應該以細路哥時期嘅童真去過生活，咁至開心愉快嘛！學吓平田裕香啦！裕香妹今年8月將屆三十之齡，面上泛起初熟女性嘅韻味，不過每當佢梨渦淺笑，卻又表現出一派美少女嘅青春活潑，睇落仲係似18歲多啲。裕香笑容可掬又有童真，胴體則令男人神魂顛倒，因為佢肌膚幼嫩雪白，胸前嘅天然E奶飽滿兼具高度彈性，你話男人係咪一見傾心，不自覺產生無限性幻想先？
裕香喺1998年出道，至今已經有十五年咁耐，而佢初出道嘅契機就係參加日本美術家辦公室嘅「第32次新人演示」，之後參加埋「第10次YJ全國女子高中生制服收藏」活動。阿妹憑住可愛活潑嘅笑容成功打入藝能界，除咗拍寫真之外，由於其聲線嬌嗲，加上鍾意睇動畫，從中學到唔少投入角色性格，以控制聲線嘅技巧，令佢成為一名受歡迎嘅聲優。據聞，阿妹最鍾意就係睇《新世紀福音戰士》以及《機動戰士高達》系列，前者男主角碇真嗣嘅名台詞「唔可以逃避」更加係佢嘅口頭禪，顯出童心未泯嘅一面。裕香演過嘅電視劇同電影亦唔少，包括電影《跳躍搜查線 The Movie 3》。另外，阿妹活潑好動嘅個性令佢成為戰隊系列嘅常客，《獸拳戰隊》、《炎神戰隊》以及《非公認戰隊 The Ranger》都有份演出。
平田裕香會將自己飲飲食食以及工作時拍下嘅照片上載到博客，更新密度高，想緊貼裕香嘅動態，不妨上去睇睇。
網址：https://twitter.com/Hirata_Yukaco
年齡：29歲
身高：5呎3吋
三圍：35E-23-34
撰文：賢