近期電視台好似冇乜節目好睇，唔係咩千奇百趣就係獎門人，來來去去都變化不大，真係令我特別懷念有靚女雞手鴨腳下廚嘅美女廚房。然而，美女廚房如果可以重新推出，我覺得可以搵班美女換上比堅尼，外面只係加件圍裙，以加強視覺效果，仲未識點做？參考一下中塚智實呢本寫真集啦！
今年20歲嘅智實係AKB48嘅成員，今年至從組合中畢業。據講阿妹佢廚藝了得，成日都大宴隊友，一次煮咖喱比賽當中，佢煮出嘅作品仲令隊友大島優子話好食到流眼淚，因此智實被封為AKB48料理部部長。最近阿妹就推出寫真集《AKB48料理部部長 中塚智實附上菜譜Photobook》，當中智實會着泳裝同圍裙示範下廚，令大家有嘢睇又可以學煮兩味，絕對值得珍藏！
撰文：賢
售價：約HK$124