有「日本棒球金童」之稱嘅達比修有最近又傳出緋聞。日本伊朗混血兒達比修有喺日本棒球界知名度十足，自從佢同老婆離婚之後，更加廣為大家熟悉，因為傳聞佢藉口請睇球賽，而成功搭上AV天后明日花綺羅。之後，又傳佢同高球女將古閑美保有染。最近，有傳達比修有搭上天后級AV女優橫山美雪！不過，美雪嘅事務所負責人就出嚟澄清，話二人雖然經常見面，但是否情侶則無可奉告。而達比修有則表示報道不實，希望外界唔好胡亂猜測喎！
撰文：賢