聽日就係香港回歸十六年嘅大日子，印象當中自97年之後，三級片都拍少咗，三級女星亦固然少之又少啦，依稀記得，回歸前最後一位三級片女星叫做鍾真，而佢拍嘅《蜜桃成熟時1997》亦相當值得回味。
《蜜》片故事講述徐蜜桃（鍾真飾演）對成人事物充滿好奇心，有次因為想跟家姐徐荔枝出街而被拒，因此令佢希望盡快長大成人。之後，其女同學就話畀佢知有棵神樹可以幫人達成願望，蜜桃就決心一試，向神樹許願希望可以成為大人。蜜桃嘅願望真係應驗，令佢成為一個青春可人、亭亭玉立嘅美人兒。又驚又喜之下，蜜桃就去到家姐嘅公司想報告一切，巧遇游泳教練Danny。二人結識之後，Danny就約佢去派對，期間就遇上其前女友Baby，Baby見到二人咁親暱，梗係心生妒忌啦。某日，荔枝嘅男友上門求借錢，見到蜜桃咁索居然意圖侵犯，好彩家姐及一眾女友趕到，將佢打到七個一皮敗走。
呢個男友借唔到錢就落酒吧借酒澆愁，遇上Baby之後二人先過一夜情，再設計令蜜桃誤會Danny已經重投Bady懷抱，令蜜桃意識到成人世界嘅醜惡同複雜，於是再向神樹許願，希望變番原來面目。最後真相大白，蜜桃知道Danny仲係鍾意自己，十多年之後就將自己最珍貴嘅第一次獻畀愛人Danny。片中鍾真嘅演繹充滿純真，加上鮮嫩嘅胴體令電影生色不少。另一方面，蜜桃嘅家姐、Baby雖然係配角，但係亦露得徹底，特別係後者嘅巨乳更加吸引，搶走唔少戲份，更加為電影添上豐富「色彩」。
撰文：賢