有老廚師話如果想睇吓個廚師功力夠唔夠，方法好簡單，叫佢炒碟飯嚟睇吓就得，皆因愈容易做嘅嘢愈考廚師嘅手藝。炒飯想炒得好已經唔簡單，仲要咁夠膽用得自己個牌頭嚟命名，足見廚師對自創嘅炒飯幾咁有自信，講緊嘅就係今日要介紹嘅呢道「至尊炒飯」。炒飯最緊要係乜？當然係個飯啦！用隔夜飯嚟炒係指定動作，更可以炒到啲飯既軟硬適中，又做到鬆散嘅效果，口感一流，配合埋彈牙蝦仁、鮮味瑤柱絲等嘅配料，香氣撲鼻得嚟，食完之後更係回味無窮，難怪佢咁有自信以自己嘅招牌嚟命名呢道炒飯啦。
食物提供：至尊桑拿
價錢：桑拿顧客免費
撰文：魂