男人個樣生得靚，但係把聲陰聲細氣則會被譏乸型，靚女而把聲鵝公喉亦同樣欠佳，甚至聽到佢把聲就已經唔想同佢去街街。若然好似劉凱菲咁就唔同，因為佢人靚聲甜，聽把聲就已經可以迷死人。
師傅教落識女仔唔好只係睇樣同身材，因為佢自己後生嘅時候經常蒲泰國，落夜場遇到嘅囡囡個個都索到啪啪聲，有一次就因為被美色所迷，溝咗個靚女坐低飲兩杯，點知一聽到對方把聲就知道撞板！此事令徒弟仔我引以為鑑，但係好似劉凱菲把聲咁靚，清晰兼甜美，就一定冇撞板喇。今年27歲嘅菲妹樣子青春無敵，甜美又帶萌味，難得嘅係五官標致之餘，皮膚仲又白又滑，所以令佢睇落好似一個陶瓷娃娃，但係又唔會好似其他內地嫩模個樣，一睇就知係經過多次「後期加工」。菲妹睇落又自然又靚，同佢一副天然嘅姣好胴體一樣咁吸引。
畢業於天津音樂學院表演系嘅劉凱菲無論唱歌定係玩樂器都咁叻，連難度甚高嘅揚琴都玩得相當熟手，參加全國雙馨歌唱大賽青島賽區嘅時候仲榮獲亞軍添。菲妹擔任模特兒之後，表現相當好，仲成功踏足藝能界做演員，將學到嘅演技盡情發揮，參演嘅電視甚多，例如《紅顏劍出鞘》、《鐵齒銅牙紀曉嵐四》，最近則有《九河入海》。喺拍攝《九》劇嘅時候，菲妹用其甜美聲線同來自不同省市嘅劇組人員大講天津話、山東話、東北話，不知幾咁投契，令彼此合作順利之極。菲妹嘅迷人聲線仲不時用於配音方面，比起其他嫩模瓣數更多。
近期劉凱菲工作相當忙，不過都間唔中會透過微博將近況發表，劉凱菲嘅粉絲可以Click上去留意其最新動向。
網址：http://weibo.com/u/1299426313
年齡：27歲
身高：5呎4吋
三圍：34-23-34
撰文：小德