台灣有個調查話佢哋九成人都係透過成人電影嚟接觸性事，可知「A片」對大家有幾大嘅影響，當然有人會即時反駁，話佢睇咗咁多年，一啲影響都冇。英國有位女學者Gail Dines，由1986年開始，隻身飛咗去美國呢個「A片」聖地，親自採訪同做調查研究，發現「A片」同美國文化有住千絲萬縷嘅關係，2011年仲出咗本書，大談「A片」嘅影響力，最近喺台灣仲推出中文版。內容方面，唔講唔知好多美國人嘅日常用語，就有唔少「A片」嘅對白或專用術語喺裏面，消費上會多考慮性感或者對性有幫助嘅商品，甚至床上技巧，亦會潛移默化，多咗好多電影至有嘅招式，呢啲都係大家唔覺唔覺嘅時候受到影響。但大家請放心！睇完後你會明白「A片」嘅影響力，但仍然不會大減你對佢嘅觀賞慾望。