澳洲早前有研究話女士鍾情長棒男，只係有巴打就話喺正常嘅情況下，女士又點知男士棒棒有幾長呢？為咗測試特長棒棒對女士嘅吸引力，有網友做咗個實驗，搵嚟各種類型嘅型男，並喺佢哋下體安裝假嘅特長棒棒，將褲襠撐起成個帳篷後，再喺街上兜搭女士。班女士見到眼前撐住個帳篷嘅男士時，個個反應各不相同，有人笑到碌地，有人扮做冇嘢，甚至有人出手檢驗長棒真偽，當然亦有唔少女士爆粗叫型男走開，只係結果令人意外，事關佢哋竟然成功攞到10個女士嘅電話號碼！有人話晒棒型男之所以拎到電話，並非長棒之功，而係因為佢哋生得靚仔而已，唔知大家又點睇呢？
成個4月份天氣陰暗兼勁落雨，搞到人冇晒心機返工，原來天陰仲會影響人們嘅性慾。法國有大學早前進行一項關於天氣同性慾嘅研究，成功訪問超過2,000人，令人意外嘅係有18個百分點嘅男女，選擇喺8月曳曳，其次分別係7月嘅14個百分點及6月嘅10個百分點，至於最令受訪男女提唔起勁曳曳嘅月份則係2月。據研究人員指，夏季性慾變得旺盛，決定於雄性激素睾固酮嘅增加，男人喺6月時分泌嘅睾丸激素比1月時多百分之三十三，導致佢哋嘅性慾變得旺盛，而冬季日照時間短會導致褪黑激素水平上升，令人變得性慾下降、憂鬱及嗜睡，因此提唔起性趣曳曳。
唔知平時大家放工搭車時會做啲乜？相信唔少人會選擇合埋眼瞓番個覺。瑞士藝術家Milo Morie為咗喚醒呢班喺搭車時瞓覺嘅打工仔，於是推出名為《The Script System》嘅行為藝術作品。佢搵嚟一位身上僅寫上英文嘅全裸索模，手上拎住個手袋同腳着高踭鞋，先乘搭德國嘅巴士再轉乘地鐵。如此養眼嘅裸模一出現，唔少人即刻擘大對眼望到實一實，亦有人扮做睇唔到，繼續瞓其大覺。據Milo Morie解釋，呢個行為藝術作品嘅目的，在於讓車廂中上下班嘅民眾能擺脫固有嘅思維模式，並喚起人們關注藝術家。咁出位嘅行為藝術，唔知有幾多人能睇出當中嘅內涵呢？
世界著名嘅鵰王Jonah Falcon出大碟喇！不過唔係出晒雀四仔，而係出個人唱片。呢位健力士世界紀錄最長子孫根嘅紀錄保持者，擁有未進入作戰狀態下23公分，進入作戰狀態後34公分嘅巨鵰。早排佢以充滿磁性嘅聲音，灌錄個人第一首歌曲，名為《It's Too Big》，歌詞開始時唱出唔少男女都想試吓巨鵰嘅感覺，只係到後來Jonah強烈地表示巨棒實在太大咁話。可能有人以為Jonah喺度晒命，擁有如此巨型兵器仲喺度嫌三嫌四，查實真係有苦自己知。先唔講Jonah曾因兵器嚇走唔少心儀女性，去年7月時佢喺通過國際機場安檢時，因被海關懷疑佢胯下藏有武器而被要求剝光豬檢查，難怪佢喺歌詞度自嘲一番。
撰文：魂