最近內地各省市嘅國際車展，一浪接一浪咁舉行，車模嘅性感演出，更係一個比一個精彩，出位程度不少已達三級，有網友話家陣啲車展已經變晒質，今日就同大家去瑞士日內瓦，睇睇歐洲最大型嘅車展，啲車模究竟係點樣一回事！
瑞士除咗鐘錶出名之外，每年一度嘅國際車展亦世界馳名，因為大型歐洲車展中只有日內瓦至年年搞，字號老，自然信譽好，所以每年都吸引到世界各大車廠參展，經常有最新產品亮相，就以今年為例，來自全球共有260間廠商參展，共推出900多款汽車，當中130款仲係全球或者全歐洲首度曝光，自然成為眾人焦點所在，至於今年嘅車模人數，亦過千人以上。有網友走勻全場，發現人哋同樣美女如雲，但就唔會賣弄性感，個個衣着整齊，冇話着透視裝，亦冇話酥胸半露咁走嚟走去，個個恰如其分，絕對冇出現喧賓奪主嘅效果。
有出席車展嘅網友表示，啲車模同內地車模比，相對年紀大啲，但有一樣嘢好，就係唔會裝可愛，所以睇落更自然，更親切，而且她們所着嘅制服，全部都正正經經，所以車迷會把注意力放回車輛身上。當然，外國車模身材比較豐滿，有唔少漫不經意露出既長且深嘅事業線，但你唔會覺得佢哋刻意賣弄，所以有性感效果，又唔會令人反感。此外，有部分年輕美女，真係唔使點露，都已經令人興奮雀躍，龍友們自然圍住佢哋嚟不停拍照，囡囡只微微一笑，已經令人神魂顛倒，總結嚟講，車模真係唔使太過賣弄身材，自然啲反而更好！
撰文：小德