只要係日本動漫迷，一睇到「柯南」兩個字，一定唔會以為係南柯一夢之誤，而係聯想到《名偵探柯南》中，由英俊小生變成可愛小男孩又相當有頭腦嘅江戶川柯南。不過，大家又有冇諗過，柯南都可以代表靚女呢？呢個就係Konan喇！
曾幾何時，日本AV界出現唔少用簡單英文字作為藝名嘅女優，好似@YOU、nao.、Kyoko咁，至於水着界方面就好似唔多興咁做，所以英文名水着妹比較少，但係總算有一個，佢就係Konan。Konan今年28歲，雖然相對於一般水着妹年紀大咗少少，但係我就覺得佢擁有一股水着界少見嘅攝人成熟味道，令佢成為一眾妹系水着妹中突圍而出嘅姊系女優。Konan唔算係巨乳型，但係依然夠斤両夾出誘人乳溝，同時身材纖巧修長，而圓潤、飽滿兼帶光澤嘅34吋玉臀亦令Konan增添幾分火辣感覺。
Konan原名叫做虎南有美，2001年嘅時候嶄露頭角，同吉井弓香、虎南有香以及石田裕子組成女子組合SOUL TIGER喺綜藝節目當中又唱又跳。期間，Konan仲參加多個藝能活動，例如係全國女子高中生制服收藏、SUPER GT Queen。唔講唔知，阿妹仲係惠比壽麝香葡萄嘅第一代成員之一，吓？呢個組合唔係淨係收AV女優咩？非也，如果有質素嘅話，水着妹一樣可以做成員。Konan佢同組合真係好有緣，喺麝香葡萄畢業之後，迅即又成為另一個女子組合SDN48成員。活潑好動嘅Konan仲係女藝人室內足球隊嘅成員，據聞佢球技一流，被認為「進攻有如刀鋒般銳利」，所以獲得10號球衣，成為隊中嘅靈魂人物。喺球場上認真嘅Konan都有搞笑一面，因為佢嘅「Ko」字同日文嘅「柯」字讀音相似，而「Nan」讀音亦係同「南」一樣，所以出場嘅時候成日都稱自己做「名偵探Konan」，翻炒《名偵探柯南》。
Konan喺博客中表示近期食欲大增，相信佢又會四出覓食祭五臟廟，大家不妨留意佢個博客，睇吓阿妹又去咗邊度搵食。
網址：http://ameblo.jp/18prokonan/
年齡：28歲
三圍：33-23-34
身高：5呎5吋
撰文：賢