煙肉你冇理由未食過啩？先咪理有冇益、肥定瘦，的確煎香嘅煙肉，鹹鹹脆脆、香口惹味，用嚟做沙律、炒蛋一流！
咁依家將「煙肉」放上床，變煙肉腸你又點睇先？美國一間公司，繼年前推出過煙肉味潤滑油後，本年度最爆創意係煙肉味避孕套，生產商話經過全球收集意見及多年研究，發現男女最愛始終係煙肉味，因此決定製造煙肉味乳膠避孕套。官方表示，Bacon Condoms全由美國製造，打開有煙肉紋理，亦有香濃煙肉味，但絕不可進食。外形及尺碼同一般避孕套無異，經過嚴格測試可有效避孕，配合埋佢哋嘅煙肉味潤滑油一齊用，唔使食都飽晒啦！
撰文：祖