男人養小三嘅情況常見，好多人會問：男人唔係可以將性同愛完全分開嘅咩？點解又會同老婆以外嘅女人發生關係，仲有感情o架？做到真正逢場作戲真係唔容易，因為男人始終都係感情動物嘛，尤其係對住一個又靚又體貼嘅女人，點可以淨係做愛而唔講感情呢？
韓國情色電影《密愛》當中嘅男女主角，就陷於上述痛苦之中喇。故事講述由金允珍飾演嘅明媛，同丈夫及女兒過住幸福又簡單嘅生活。可惜，一晚丈夫嘅小三突然出現，令佢哋嘅家庭幾乎破碎。後來，丈夫為修補關係，舉家搬到平靜嘅鄉間。此時，明媛就遇上鄉間嘅醫生安裘。經安裘嘅勾引，原本沉浸在痛苦之中嘅明媛變得充滿樂趣，盡情享受同安裘發生關係。不過，二人為免影響家庭，事前作出約定，就係邊一個忍唔住口講出「我愛你」，呢段關係就要結束。二人雖然了解規定，但係愈抑制卻又愈難按捺。雖然作品節奏比較慢，但係每一幕都經精心打造，令大家睇住金允珍由賢良淑婦，變成慾海人妻嘅過程，令情節感染力更強，觀眾都忍不住細心欣賞佢哋嘅床上戲。
撰文：賢