渡海濠情：桑拿嘉年華 走奶又飛Bra？

功利主義

玫瑰：世界各地都有「嘉年華」會，因此一聽到呢三個字，任何人都會好開心，而澳門有咁多桑拿場，同時有咁多種服務方式，好似法國、越南、台灣、上海咁，仲有咁多嚟自世界各地嘅囡囡，夠晒條件開個桑拿嘉年華啦！

DoDo：我覺得你揼骨揼到傻咗！咁做咪係人都知你做骨場技師囉！雖然呢行冇話唔見得光，但講到嘉年華，即係免費做畀人睇，要着到鬼火咁Sexy喺桑拿跳舞表演，有時間不如瞓多兩粒鐘好過啦！

玫瑰：你呢啲諗法咪太功利囉！乜都要錢字行頭，若然係有遠見嘅，應該諗得長遠啲，將澳門獨有嘅桑拿服務推向全球，好等世界各地旅客，嚟到馬交事必要試下骨場服務，然後一傳十、 十傳百，咁至可以做到成行成市、百花齊放嘛！

DoDo：我話你都癲嘅，唔通你諗住做技師過世，定抑或搵個人客過人世先？講真，技師都係辛苦錢，做兩三年就收工，儲到啲錢就再諗其他嘢，幫骨場宣傳桑拿文化，幾時都係留畀公司決定，但若然有錢收，又唔怕做囉！

加強溝通

玫瑰：你開口埋口講錢我好明白，而我亦覺得搵技師演出嘉年華，當然係要有報酬啦！否則姊妹都唔會願意拋頭露面，但其實「嘉年華」意義除咗令人對澳門桑拿有更深了解外，亦可加強行業之間嘅溝通，增加技師間嘅感情，因為參與嘅人都會好開心！

DoDo：無可否認桑拿嘉年華對行頭有利冇害，技師形象亦會提升，姊妹相處會更融洽，但我覺得應先訂好活動內容，莫非要大街大巷示範揼骨咩？

玫瑰：街頭揼骨條橋有得諗喎！我諗全球都未試過喺街頭揼骨咁爆，只要搵兩位着得好性感嘅姊妹，輪流示範最強招式，用嚟做宣傳片，相信一定逼爆澳門呀！

DoDo：你已經諗到上晒腦，與其要拉攏業界搞咁大壇嘢，不如先喺自己骨場嚟個小型嘉年華，叫啲囡囡飛Bra走奶，再邀請班熟客上嚟Happy下，睇下佢哋反應係點咪仲實際啦！

玫瑰Profile：

三圍：33C-22-33

身高：5呎5吋

DoDo Profile：

三圍：34D-23-33

身高：5呎5吋

撰文：祖　

攝影：程