內地模特兒有冇人氣，最簡單方法，就係睇吓佢照片點擊率同埋網站關注人數，有三四十萬都已經唔錯，如果人數過百萬，咁就不得了！嚟自武漢嘅夏小薇，出道半年就已經有過百萬之數，實力不容忽視。
夏小薇約於2011年出道，最先係做網模，後嚟參加咗個網站舉辦嘅Cosplay比賽，獲得全國亞軍，自此就同Cosplay結下不解之緣，兩年間先後幫近十個網絡遊戲公司嘅動漫作品做代言和Cosplay女郎，每次造型都深入民心，一有照片刊出，網友定必爭相轉貼，點擊率以百萬計以上，絕對係人氣新星。又難怪，小薇上圍有35F，着乜嘢衫都咁搶鏡，何況一啲都唔錫身，只要攝影師有要求，佢都會設法滿足，超性感嘅衫都照着出嚟，所以小薇嘅寫真照片真係張張都波濤「胸」湧，噴血度極高，唔受歡迎都幾難。
另外，咪以為小薇只係一個發明星夢嘅小女生，原來佢畢業於武漢工程大學，主修工商管理，以為佢畢業後會從商或者專心做模特兒，點知小薇竟繼續讀碩士，仲修讀新聞傳播系，睇嚟日後可以喺幕後方面發展都得。小薇除咗係碩士生，原來文筆都唔錯，真係個才女，加上口齒伶俐，唔少演出都會客串擔當司儀工作。由於表現出色，唔少綜藝節目都打佢主意，據悉小薇忙於功課，所以暫時未有接觸。小薇除咗係遊戲界嘅人氣偶像之外，亦係車模界嘅新星，以佢嘅實力，前途一定無可限量。
出生地：武漢
三圍：35-23-35
身高：166cm
簡介：夏小薇出道只有兩三年，但攝影作品無數，而且全部都夠晒性感，就算着便服嘅造型，都一樣咁索，其他性感照就更加出位啦。
網址：www.moko.cc/xiaxiaowei