小弟成日都覺得日本水着女優同足球運動員差不多，我唔係指佢哋一定要好波至可以發圍，而係職業生涯嘅長度。足球員去到30歲過外就難以保持最高狀態，水着妹亦一樣。不過，總有唔少例外，好似我最愛嘅其中一位德國足球員比亞荷夫咁就屬大器晚成，27歲至奪得意甲神射手，30歲先幫球會奪得聯賽冠軍。
而水着妹山本梓都係近年至成功將人氣谷上高峰，到家陣即使已經三十有一，但狀態卻仍處於極高水平，唔信大家可以睇吓佢嘅最新寫真集《AzUSA》就知喇。山本梓為咗拍呢本寫真集，遠赴美國洛杉磯進行拍攝。除咗將洛城當地嘅郊區與繁華景象將自己嘅性感胴體融合，山本梓仲嚟個大解放，罕有咁換上火辣內衣拍照，更加玩埋全裸演出。雖然，全裸鏡頭睇唔到，但係阿妹Fit到漏嘅曲線身材以及美艷無比嘅面貌，一樣值得細味。
撰文：賢