女友搬新屋，要我請假去幫手執嘢。去到樓下時，聽見兩個師奶講起有個鐘點工好勤快，一陣間就執好晒啲嘢，於是我多口問佢攞個電話，起初都唔想打，但一開門入去，發現混亂程度，一個人真係唔掂，於是膽粗粗打電話過去，原來阿姐正喺樓下開工，一小時後就可以上嚟，仲話只收一百蚊個鐘。一小時後，單係個廚房我都未執完，好彩鐘點工出現，佢十分年輕，三十歲左右，我哋簡單分工後，阿姐將外套一脫，上圍有三十六以上，呢個阿姐如果去夜總會返工，一定係紅牌阿姐。四個小時後，我剛執好廚房，一出嚟發現，九成物品已經收拾好，阿姐嘅能力真係匪夷所思。