香港市民如果想博彩有好多選擇，星期三、星期六或日有賽馬，又可以玩足智彩、六合彩，仲有股票可以投資。小池唯呢位嫩口妹妹波、鼓精通，不過就唔係賭波同買股票，而係踢波同打鼓。
香港好多藝人都熱愛運動，明星足球隊嘅成員就熱衷踢波喇，另外亦有好多藝人鍾意賽車以及水上活動，當然床上運動亦為唔少藝人所鍾愛啦。至於日本水着界方面，運動愛好者亦多，小池唯正係其中一位。今年21歲嘅唯妹青春可人，嬌俏又甜美，驟眼睇仲以為佢未夠18歲添，當中嘅原因可能因為阿妹佢14歲就出道拍寫真，當時以一派天真童顏成功上位，直到家陣都仲保持呢份感覺吸引各位男士。雖然，唯妹嘅C-Cup上圍唔算好大，但係腰肢得23吋咁幼，臀部亦夠圓夠挺，令身材睇落甚具曲線美，加上肉地鮮嫩，真係充滿誘惑。
見到小池唯充滿陽光氣息，相信大家都會意會到佢成日都做運動，但係點解仲會咁白雪雪呢？日本Miss雜誌旗下有隊室內足球隊，成員多數係由水着妹組成，小池唯正係其中一位。喺室內踢足球，免於陽光照射，自然可以保持到肌膚白滑啦。據聞，小池唯踢波嘅時候表現甚佳，成日都跑上跑落，真係活潑好動。小池唯話自小就已經係咁好動，讀書時期除咗愛玩各種運動，仲參加埋學校嘅步操隊實行日操夜操。另外，阿妹佢仲精通打鼓，與同學組成樂隊四圍演出同比賽，喺唔少全國比賽得到好多獎o架！
小池唯好動又愛出街，所以成日都會約埋班Friend一齊出外活動，想知道佢最近又去邊處蒲，可以留意其個人博客。
http://www.foursp.jp/yui/blog/
年齡：21歲
身高：5呎3呎
三圍：33C-23-34
撰文：賢