有傳連麻煩女星蘭茜露漢（Lindsay Lohan）都嗌怕怕，拒絕同查理辛（Charlie Sheen）拍《搞乜鬼奪命雜作 5》內嘅咀戲。呢位年屆47歲嘅影壇大哥一於睬你有味，繼續風流快活，早輪就被狗仔隊拍到喺墨西哥度假「性」地Cabo San Lucas同24歲索爆脫星Georgia Jones沙灘漫步。呢個灘出名係荷里活明星避世勝地，亦係狗仔隊偷拍熱點，偏偏查理哥就當眾同Georgia濕吻，傳媒更形容佢哋旁若無人，莫非係行動抗議蘭茜露漢唔識貨？不過，傳媒焦點並非呢位花花公子，反而係近年甚少出鏡嘅Georgia，雖然阿妹得對A奶硬闖四仔界，但係佢嗰份淫在骨子裏嘅氣質，確實迷倒眾生，最離譜嘅係阿妹入行以來唔係自摸就玩女同，家陣同做得佢老竇嘅叔叔鬥咀，你唔係話我知呢啲係社交禮儀咁純情嘛？