潮流興懷舊？我話係技窮就真啦！當中美國四仔界最窮，事關由即日至13日晚上11時止，全球男女可以登入網站Auctionopia競投70年代成人電影海報。咁經典都攞出嚟賣，唔窮就假啦！至於是次活動由Arrow Productions及Deep Throat Digital合辦，所有海報由1970年儲存至今，數量非常有限，彌足珍貴呀！仲有，呢啲海報當年曾放喺各大電影院內，見證住色情電影業嘅發展，稱得上係一件具收藏價值嘅藝術品。細佬上官網（目及）過，每張海報底價由500美元起（約港幣3,900元），有心人可以透過PayPal落Bid，部分收益會捐助成人娛樂行業發展添！