究竟有幾多個裸模，能夠從雜誌封面走上銀幕？相信唔使多講大家都知道屈指可數。雖然如此艱難，但人氣裸模Iga Wyrwal卻係當中嘅幸運兒，胸前激凸嘅佢不但係位成功嘅裸模，更步上銀幕成為光影娛樂中嘅耀眼新星。
今年24歲嘅Iga Wyrwal出生於波蘭，一直到2006年時至移居英國。據Iga講由於當時佢嘅志願係成為一位演員，故此甫抵英國便進修演藝課程，卻喺陰差陽錯之下，2008年時被英國嘅成人雜誌睇中，並喺同年4月拍下一輯性感半裸寫真。本嚟Iga只係抱住玩玩吓心態，同埋用以肯定自己嘅魅力。殊不知寫真集推出後受到極大歡迎，更被該雜誌選為最性感新進裸模，以及2008年最性感半裸女模之一，從此Iga不但人氣飆升，並先後為各大著名成人雜誌拍攝性感寫真，甚至有幸成為英國雜誌《Daily Star》嘅第三頁女郎。
唔少裸模能夠咁快揚名，一定會繼續密密影寫真搵銀，只係Iga個心仍然牽掛喺演藝事業上，因此喺2011年時參選波蘭嘅舞蹈比賽真人騷電視節目《Strictly Come Dancing》，最終攞到第11名。因為成績唔算太過彪炳，所以正當Iga擔心演藝事業會因此被打住之際，卻喺冇耐後有電影製作公司搵佢拍攝魔幻電影《Your Highness》，並喺當中飾演矮人王第二任妻子Regina，從此Iga正式踏上銀幕。由於表演唔錯，完成咗呢套作品後，有唔少電影製作公司相繼搵佢演出。不過Iga自問演技尚有改善空間，希望再進修一下至再拍戲，睇嚟想睇Iga嘅新作仲要等多一段時間。
Iga從成人雜誌走到銀幕，人氣固然飆升，而露肉嘅機會亦愈嚟愈少。不過想睇佢最新嘅露點寫真都唔係冇機會，只要入佢個官網就有齊Iga出道以嚟嘅性感寫真，想睇就一定唔可以錯過喇！
網址：igawyrwal.net
出生日期：1989年2月20日
身高：5呎5吋
三圍：34F、25、36
撰文：魂