新進模特兒或明星，宣傳單位好喜歡將佢哋封為「翻版某某」或者「小乜乜乜」等，希望觀眾對旗下新人加深認識，但十之八九都係吹水居多，但今日介紹嘅「翻版范冰冰」真係有九成似，佢就係嚟自內蒙古嘅劉朵朵。
劉朵朵原喺醫學院攻讀護士課程，所以畢業後理應做白衣天使，但由於阿女喺受訓期間，佢嘅同學仔把多輯朵朵身穿護士制服嘅照片上傳網絡，竟被網友封佢為「最漂亮嘅白衣天使」，點擊率高達數十萬，讓朵朵無心插柳下走紅，畢業後就順理成章加入娛樂圈。朵朵除咗做平面模特兒外，仲參與唔少影視演出，單係電視節目就多達數十個，除咗做嘉賓外，仲做埋主持添，更幸運嘅係得到內地喜劇大師郭德綱老師嘅賞識，搵佢合作做電視節目之餘，仲喺佢嘅電影中演出，自此令朵朵成為圈中嘅大紅人。
大家咪以為朵朵係內蒙古人，皮膚一定又粗又黑，其實朵朵嘅皮膚不知幾咁白滑，同其他北方囡囡，絕對冇任何差別，加上樣子甜美，單係相頭就已經攞足一百分。此外，朵朵嘅身材更係無懈可擊，身高168cm，一雙修長美腿絕對唔失禮，配合35吋D級無敵上圍、24吋小蠻腰，男士們見到一定忍唔住為佢瘋狂。雖然朵朵貴為新星，拍攝寫真時一啲都唔會就住就住，只要攝影師有要求，就會瞓身演出，所以佢嘅性感寫真噴血度相當高，大家看時真係要準備定紙巾呀。
出生地：內蒙古赤峰
三圍：35-24-35
身高：168cm
網址：www.moko.cc/lovevivian
簡介：呢個網站除咗有齊朵朵多輯性感寫真之外，仲有多輯拍攝電影同做電視節目嘉賓時嘅照片，對認識朵朵有更深切幫助。
撰文：龍四海