模特兒為咗吸引目光，會勁晒性感事業線，或者有咁多就接咁多工作。不過對Lolly Lopez嚟講，佢唔使大賣性感，只要行出嚟就已經吸引到男士嘅視線，難怪佢有「閃光燈下的閒人」之稱啦！
做模特兒做到畀人話係閒人，好多人都唔鍾意，事關咁係代表佢遲早畀人Foul出模特兒界。不過今年23歲，英國出生嘅索爆模特兒Lolly Lopez卻話冇問題，因為佢覺得若然有樣有身材嘅話，絕對唔使擔心冇工開，更何況要專登走去賣肉走性感路線？而Lolly接Job嘅要求更係多多，少過三粒鐘嘅天橋騷唔接，冇錢嘅工作唔接，出埠嘅工作要先睇吓佢對嗰個地方有冇興趣至接。不過咪以為Lolly自視過高，奇就奇在佢雖然吊高嚟賣，但仍然有唔少雜誌搵佢影性感寫真之餘，據聞佢嘅價錢仲一啲都唔平，呢點真係唔到大家唔服。
其實Lolly之所以對工作咁睇得開，除咗因為自知條件夠高外，亦因佢本身係個崇尚自然嘅愛好者。唔講唔知，呢位胸懷巨乳嘅索模，原來擁有運動科學和營養學學士學位，絕對係有胸又有腦！Lolly表示佢之所以讀一門咁特別嘅科目，皆因崇尚健康嘅生活，故此佢認為要喺事業同健康之間做選擇嘅話，一定係後者比較重要。不過有人話Lolly之所以唔着緊模特兒嘅工作，係因為目標其實係做演員，事關佢當成人模特兒前已有長達11年嘅話劇演出經驗，並且得到美國LAMDA話劇頒發嘅個人演出金獎。從呢點嚟睇，Lolly唔在意閃光燈下嘅工作一啲都唔出奇。
雖然Lolly份人咁有性格，但係佢個粉絲網人氣仍然咁勁，每日都有過百人喺度留意話「十卜」Lolly。不過咪以為Lolly咁寸就唔會理班粉絲，估唔到佢不但每日都會上嚟同粉絲傾偈，仲經常上載自己嘅靚相，睇嚟Lolly應該屬於外冷內熱型嘅索女。
網址：www.modelmayhem.com/2228046
出生日期：1989年2月11日
身高：5呎5吋
三圍：36DD、24、38
撰文：魂