好多人都認為樣靚身材正嘅模特兒，通常都係個花瓶，即係有外在冇內涵。其實我哋又唔可以一竹篙打一船人，事關凡事總有例外，就好似美國人氣成人模特兒Kassie Lyn Logsdon咁，不但有外貌仲充滿內在美，難怪佢被稱為氣質美人！
呢位出生於美國南加州San Bernardino Mountains嘅索爆模特兒，喺投身成人模特兒界前，從未諗過會剝衫影寫真。咁佢究竟諗住做乜嘅呢？Kassie自05年高中畢業後，雖曾先後做過保險經紀、秘書、辦公室助理，但其實佢最想做平面設計工作，卻估唔到喺09年時，好友Heather Rae Young（另一位人氣成人模特兒）邀請佢陪伴一齊去某大成人雜誌面試模特兒，意外地被星探睇中，從此成為成人模特兒界一分子。話說回來，Kassie家陣嘅工作同理想有好大差距，唔知阿妹會唔會覺得失望呢？Kassie話一啲都唔會，仲話裸模工作令佢開闊咗眼界，識得更多人之餘，最重要就係可以賺到更多嘅錢，讓佢可以攻讀設計課程。
雖然Kassie話好開心有模特兒嘅工作，但佢卻表示最多只會做多兩年。Kassie正值高峰期，點解咁快諗住引退呢？Kassie解釋佢自細喺山區長大，性格崇尚大自然，面對裸模嘅燦爛生活，好多時都希望能回歸平靜，故此佢早排至喺自己個網上Fans Club表示，12月開始會休息三個月，諗住去南半球休息兼旅行，畀自己一個充電嘅空間。如果係咁嘅話，粉絲咪有排都唔使喺成人雜誌同網絡上見到佢囉？Kassie即大派定心丸表示，佢喺旅行途中會不斷將個人最新消息發送上網，大家想知道佢嘅最新動向，只要留意佢個官網同粉絲網站就得喇！
咪以為Kassie話想做平面設計只係得把口，查實佢真係有料到o架！事關喺佢個官網度，除咗Post咗靚相外，仲放埋佢嘅畫作同立體設計作品，等大家除咗認識佢裸模一面外，更可以了解佢嘅藝術造詣。
網址：www.kassielynlogsdon.com
想知道Kassie嘅最新動向嘅話，可以去呢個網站度睇睇，不但會有Kassie嘅最新自拍相，仲會不定時有佢嘅藝術攝影作品。又畫又攝影，Kassie果真才女一名！
網址：kassielynlogsdonnews.blogspot.hk
出生日期：1987年1月6日
身高：5呎7吋
三圍：34C、25、36
撰文：魂