做老婆最好就要入得廚房，出得廳堂。而日本水着女優就希望自己可以上得雜誌又上得電視。不過，要成功入屋唔係個個都得，除咗樣靚身材正，最重要就係魅力驚人，好似杉本有美咁。
日本水着女優嘅質素一向都冠絕亞太地區，除咗因為佢哋美艷又高貴，氣質綺麗過人，仲因為佢哋身材絕佳，有美貌又有巨乳嘅女優多不勝數，好似人氣水着妹原幹惠咁就係當中嘅佼佼者喇。之不過，唔少女優雖然上圍夠晒勁，面孔又標致無比，但係睇真少少，可能發覺其美貌同身材都有少少人工成分，要講索得嚟夠天然就一定非杉本有美莫屬。現年23歲嘅有美13歲就已經擔任模特兒，由於其面孔可愛活潑，散發出強烈嘅陽光氣息，所以深得各界賞識，2002年更加成為日本時裝雜誌Pichiremon嘅讀者選舉冠軍。成年之後，阿妹生得更靚女更標致，身材亦更為誘人。身高5呎7吋嘅有美高挑婀娜，胸前嘅C-Cup美乳夠晒睇頭，形狀美觀又吸引，每次換上稍稍緊身嘅比堅尼上衣，胸肉都會微微擠出上衣邊緣，凸顯出純天然美態。
優質上乘嘅有美好快就得到藝能界賞識，18歲嘅阿妹已經初登電視螢幕，參演電視劇《BOYS美容院》。之後，仲開始參與舞台劇演出。有美嘅人氣除咗於日本蔓延，更加伸延到內地。2008年去北京拍完寫真之後，仲順道接受內地雜誌嘅訪問。之後，有美嘅人氣愈來愈強，演出《炎神戰隊》嘅同時，更同水着妹逢澤莉娜以及經典AV女優及川奈央組成短期女子組合「G3公主」。隨住多方面演出增加，加上本身魅力增強，有美愈來愈受歡迎，據聞，有佢做封面嘅雜誌，銷量普遍上升百分之十到二十，魅力真係勁爆！
年齡：23歲
身高：5呎7吋
三圍：33C-23-33
專屬網站：杉本有美演出瓣數多，而且極具人氣，所以特別設立個人專屬網站，方便各界Fans可以輕鬆瀏覽其動態。
網址：http://www.sugimotoyumi.com/
撰文：賢