渡海濠情:搞大個肚男友要認數

內地有個90後美女,唔知喺邊度畀人搞大咗個肚,竟喺網上發貼徵求「便宜老爸」,仲要求應徵者不老不醜,有車有樓,真係為小朋友諗得周到,至於有冇老爸出現,咁就真係不得而知。嚟自9號會所嘅靚女晶晶,就話咁嘅行為真係唔要得!

有氣有力

晶晶話:「唔好話搵小朋友嘅便宜老爸,就算搵男朋友都可能冇咁高要求,所以真係好佩服呢個囡囡,要向佢學習!」咁搵男朋友有啲乜嘢要求呢?晶晶話:「只要樣子唔乞我憎,身材健碩,對我專一,咁就可以!」點解要有健碩身材呢?晶晶面紅紅話:「大大隻嘅男仔,一般性能力都好啲,有氣有力嘛!我最怕啲男仔身體太孱弱,親熱時力不從心冇嚟勁度,搞到人哋到喉唔到肺咁,你知啦!會好冇癮嘛!所以大大隻嘅男仔,一定會係我嘅首選!」

搵人負責

如果晶晶好似嗰個女仔咁有咗小朋友,會唔會學佢喺網上搵便宜老竇呢?晶晶話:「唔會!我一定會搵番經手人負責,要佢做小朋友嘅老爸,咪睇我咁開放,其實搵到男朋友就會從一而終,我會用盡辦法唔畀佢三心兩意,萬一有乜唔對路,我會即時同佢分手,至於喺親熱時會做足安全措施,唔會隨便畀人搞大個肚,除非佢同我結咗婚,有一紙婚書喺手,至畀佢不設防曳曳。搞得大我個肚嘅,就一定要佢做老竇,所以呢層絕對放心!」

晶晶Profile

年齡:20歲

三圍:34.5-24-35

撰文:小德

攝影:阿程