洋媚女子:Fetish Liza戀物狂全球起朵!

提起「Fetish」一詞你會諗起乜?戀物、重口味性愛?一般人可能會咁諗,但歐美嘅四仔迷會聯想到Fetish Liza,事關佢憑戀物玩到全球起朵,凡有關戀物或性虐博覽都會邀請阿妹做表演嘉賓,冇佢唔成事o架!

由細開始

一個人戀物通常係迷戀一兩種物件,好似底褲、絲襪或高踭鞋等等,但今日介紹呢位女神實在太誇,佢喺個人網站自爆更係乜都啱囉!當事人話由細已開始有戀物傾向,但一直冇辦法實現,畢業後亦冇打算做脫星,反而去咗做酒店及機票銷售員,直至認識到初戀男友,將一生改寫。阿妹喺成人網站freeones訪問中話:「初戀男友係一位伴遊雞頭,負責帶客及安排囡囡服務,喺呢段日子,我見盡人生百態,發現不少男人原來都有戀物傾向,交易前會要求雞頭安排囡囡特定服務。」結果,阿妹就喺男友嘅「薰陶」下,加入成為戀物性工作者,繼而開始成為全球知名嘅戀物脫星,以藝名Fetish Liza行走江湖!

勤力非常

Fetish Liza承認曾收錢跟男女發生性行為,但就拒認「賣淫」,事關佢覺得自己係有條件下發生性行為,例如性虐、戀物等,呢啲算係專業表現,同妓女係兩回事喎!但阿妹話性工作生涯好短暫,因為面對住有體臭、愚蠢及自私嘅人客令佢性慾盡失,因此決定要加入四仔界,透過表演滿足天下同好喎!查實Fetish Liza紅遍歐美不但係戀物咁簡單,皆因佢咁多年嚟都非常勤力,入行以來一星期做足七日,真係寓工作於娛樂,奇怪係佢堅持唔接任何片廠四仔,只會自拍戀物四仔喺個人網站銷售。同時阿妹不論表演場合大小都會瞓身演出,加上佢喺戀物界都算索爆,令四仔迷更加印象深刻。

另一樣令四仔迷欣賞嘅係,已婚嘅佢另一半原來都係業界男優,但阿妹從未同佢合作或出席公開場合。阿妹解釋:「我覺得性還性、愛還愛,性同愛應該分開,呢個亦係保持夫妻關係最好方法。」你話女人好似Fetish Liza咁豁達,男人仲唔爽死?Fetish Liza更建議各位有志入行嘅後輩,最緊要做番自己,勤力同準時咁就可以企穩陣腳喎!

精彩片段

網址:http://fetishlizablog.com/

簡介:唔想畀錢又想知阿妹最新動態,咁一定要睇佢個人網誌,皆因阿妹不但勤力Update,仲好大方咁貼埋寫真益大家。

Fetish Liza Profile

出生日期:1978年2月22日

三圍:34B-26-37

身高:5呎9吋

撰文:祖