渡海濠情：巨乳添煩惱 大唔一定好
報道話湖南被網友稱為「豐胸之都」，事關平均每日有二十個女生做胸部擴建手術，就好似衡陽最近有個62歲老婦，攞晒$16萬積蓄出嚟隆胸，希望自己擁有一對C級嘅豐胸。嚟自利澳水療嘅楠楠卻認為，「大」有時都未必好！
慢人半拍
胸部擁有35D嘅楠楠，絕對明白胸部過於發達所帶嚟嘅痛苦。楠楠話：「我細細個就已經有33C，加上人高腳幼，身體重量認真唔平均，成個人周不時會舂前，特別落斜坡時，一攞唔到平衡就會衝落山，所以落斜坡就要搵人拖住。另外，上體育堂時亦好麻煩，做乜運動反應都畀人慢半拍，原因係例如當你跑左要急轉右時，身體轉咗，但巨乳仍衝向左邊，等到轉埋過嚟時，往往就已經慢人半拍，所以玩乜嘢運動都差過人，挫敗感好大！」
狂蜂浪蝶
咁擁有巨乳總有啲好處啩？楠楠話：「好處真係好少，有人話會多啲男仔黐埋嚟！係呀！一大班狂蜂浪蝶，但全部都好膚淺，事關喜歡胸大嘅男生，醒極都有限，所以佢哋反而造成唔少滋擾！」咁你又贊唔贊成囡囡隆胸呢？楠楠話：「天生巨乳嘅囡囡，其實九成都想自己個胸細番啲，但佢哋唔會動手術割咗佢囉！至於天生細乳嘅朋友想胸部大啲，而甘心動手術嘅話，我唔會鼓勵咁做，但會支持佢哋囉！因為精神可嘉嘛！最緊要佢哋做完手術開心，咁就足夠啦！」
楠楠Profile
年齡：22歲
三圍：35-23-34
撰文：小德
攝影：阿昌