商務機位同商務酒店房大家就聽得多，唔知夜總會推出嘅商務套餐，你又聽過未呢？廈門最近就有夜總會推出，專門招呼嗰啲日頭開會，夜晚則想尋歡作樂嘅商務客，等佢哋可以隨時開餐之餘，更有靚女貼身照顧，真係皇帝級享受呀！
初次聽到夜總會推出商務套餐時，以為所謂套餐係指玩家可以以商務價錢，換嚟靚包房、靚囡囡同靚酒水等嘅高質素享受同服務，點知聽真啲，原來商務套餐係同私人秘書差唔多，喺指定嘅日期裏面，有個索女廿四小時喺酒店房度On Call，甚至同玩家出席各大小宴會同各種夜晚娛樂。究竟係乜嘢夜晚娛樂？咪即係陪玩家去酒吧、桑拿、夜總會攬女咁囉！係咪同私人秘書差唔多呢？玩家想享用呢種服務嘅話，方法好簡單，只要先同經理講聲，然後再揀囡囡就得。至於價錢方面，因為係跟足幾日關係，價錢會比一般過夜貴三倍左右，換言之，若然過夜係一千人仔嘅話，囡囡每日就要三千銀。
條數聽落好似好貴，只係據有關人士指出，呢種玩法卻相當受商務客歡迎，除咗因為有索女陪足全程外，最重要嘅原因就係因為呢啲玩家可以商務服務嘅名義開公數。既然背後有水喉射住，就算貴啲都冇所謂喎！至於服務方面，係咪真係畀到一分錢，就有一分貨先？有試過嘅玩家就表示，囡囡嘅服務真係好掂。佢試過半夜發現，其中一套老西上有污漬，換着一般嘅囡囡真係睬你都傻。不過呢啲囡囡就唔同，佢真係當正自己係玩家女友咁，拿拿臨打電話畀前枱，叫對方搵人幫手乾洗，另外囡囡仲要送埋半夜代買消夜服務，咁嘅服務質素真係唔話得呀！
語錄：商務囡囡咁貼心，畀錢畀得好甘心，好過淨識碌卡嘅女友，將你水魚咁o架啦！
撰文：豆豉