- on.cc 東方互動主頁
- 3月25日 (二)
美國明尼蘇達州有間酒吧認真有心，喺女廁放咗部驗孕棒售賣機，仲寫上「驗驗放心」嘅溫馨提示，等女酒客劈酒前，先驗吓自己有冇身孕。嚟自澳門凱旋桑拿嘅靚女珊珊，佢話呢個服務真係好，應該放多啲喺唔同地方添。
咁珊珊有乜嘢特別建議呢？珊珊話：「一啲有大型機動遊戲玩嘅主題公園，就最好放多幾部啦！你話玩之前驗一驗，係咪安全好多呢？另外，溜冰場都要，因為我成日溜冰，所以知道玩呢家嘢，成日都跌到攤攤腰，為免樂極生悲，玩之前驗驗就穩陣好多。」咁仲有乜嘢地方要放呢？珊珊話：「喺時鐘酒店都要放，好多時男朋友一定要開房，有部機喺門口，女朋友可以話驗驗至入去，如果女仔嗰晚冇心情，可以呃佢話有料到，我試過嚇到個男仔乜嘢慾火都冇晒，面青青成晚瞓唔着添。」
呢招真係毒呀！珊珊繼續：「計我話喺油站都要放幾部，事關好多男仔喜歡載女友上山玩『車震』，之前都會去油站入滿油，如果囡囡唔想，就喺油站買嚟驗驗，跟手呃佢話中咗頭獎，男朋友一定嚇到唔會再車你上山，反而會即時送你返屋企。」唔怕啲男仔夾硬要咩？珊珊話：「話畀個男仔知有料到，其實等如問佢幾時結婚，佢仲掛住衝，呢啲男仔唔要都唔使恨，反而乜慾火都冇晒，震過貓王嘅男仔，都仲可以交往吓！」珊珊嘅見解認真獨到，事關畀我都會嚇到面青！
年齡：22歲
三圍：35、24、35
撰文：小德
攝影：阿程
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
