車展除咗睇車外，梗係唔少得睇吓班樣靚身材正嘅車模啦！不過早排成都舉辦嘅第十五屆國際車展，卻係出現咗讓男士睇到眼都凸，兼流晒鼻血嘅一幕。事關車展上出現咗一班造型出位到爆，打扮極度性感嘅車模，佢哋不但以透視裝上陣，有啲更係索性只用乳貼貼住心口嗰兩點登場，而當中至為養眼嘅更係一位叫做顏愉嘅車模。除咗因為佢着得勁火辣外，更表示如果自己唔着得暴露啲，都唔好意思叫做車模喎！不過由於呢班車模實在太出位，搞到第二日所有暴露嘅車模被趕離場。
家陣嘅避孕法有好多，除咗避孕套外，仲有避孕藥、子宮環等。不過古時嘅避孕方法冇咁發達，因而出現咗好多「偏方」，除咗有藏紅花沖涼外，仲有橄欖油避孕法、鹽避孕法等，只係講到當中最奇怪嘅方法，相信非用大象糞便莫屬。據講喺十三世紀前，某啲地方相傳可以用象糞嚟避孕，佢嘅用法同外用避孕藥一樣。咪以為呢種方法好騎呢兼冇用，現代學者曾經對此做過研究，發現象糞呈酸性，確係具有殺精嘅作用。之但係莫講話家陣象糞難搵，就算搵到大家都未必肯用啦！
撰文：魂