渡海濠情：求職陷阱要小心 金錢肉體兩損失
呢幾日好多中學畢業生，唔係忙住搵學校，就係忙住搵工，攞住大袋個人資料，東奔西跑，都幾戥佢哋辛苦。嚟自利澳水療嘅點點，就曾經歷過呢段日子，佢話當年跑咗十幾日至搵到工作，真係走到腳都軟埋呀？
搵同學笨
點點話：「其實畢業生搵工都幾容易，只係自己好高騖遠，一心希望搵啲又舒服又高薪嘅工作，所以見完一份又一份，好多公司都話請我，只係覺得唔滿意，於是拒絕，自己不斷繼續搵工，行到腳都軟晒。」咁最後點呀？點點話：「愈係貪心，就愈容易畀人呃，最後搵到一份星探嘅工作，就係要我喺街上搵啲靚女嚟做模特兒，返咗幾日工，一個女仔都搵唔到，於是咪搵啲同學嚟面試囉！點知原來要佢哋交幾千蚊培訓課程至有得做模特兒，同學們當然怪我冇好介紹啦！」
腳踏實地
咁有冇馬上轉工呀？點點話：「當時鬼迷心竅，見啲同學唔參加，反而怪佢哋唔識寶，於是問家人攞錢嚟自己報讀，希望培訓後成名，讓同學知道走寶。將近畢業，老闆仲介紹啲廣告客戶畀我認識，有個仲同我好啱傾，傾傾吓仲同我去開房添，事後佢答應畀我做女主角，後嚟梗係爽約啦！呢個廣告客戶更消失得無影無蹤，過多幾日，成間模特兒公司更執咗笠，乜都冇晒。」點點被人騙財騙色，咁有啲乜嘢教訓呢？點點話：「做人真係要腳踏實地，同埋一定要帶眼識人。」
點點Profile
年齡：21歲
三圍：34-23-35
撰文：小德
攝影：阿章